Rusia miraton kandidaturën e bullgares Kristalina Georgieva për shefen e Fondit Monetar Ndërkombëtar. Moska ka qëndrim pozitiv ndaj Georgievës dhe është gati ta përkrahë në votimin e ardhshëm, thuhet në komunikatën e Ministrisë ruse të Financave. Për herë të parë në historinë 75-vjeçare të Fondit Monetar Ndërkombëtar ka mundësi që në krye të institucionit botëror të zgjidhet përfaqësues i një ekonomie, e cila cilësohet si “treg në zhvillim”, komenton pala ruse. Kandidatura e Gjeorgievës është një zgjedhje e drejtë. Ajo është diplomate e shkëlqyeshme, ekonomiste me përgatitje të mrekullueshme, financiere me përvojë të madhe profesionale. Në situatën e rritjes së proteksionizmit në ekonominë globale përvoja e saj në zgjidhjen e problemeve të lidhura me zhvillimin, do të jetë e dobishme më shumë se kurrë, thuhet gjithashtu në komunikatë.