Kryeministri bullgar Bojko Borisov bisedoi me homologun e tij rus Dmitrij Medvedev gjatë kohës së Forumit Ekonomik Kaspik në Turkmenistan. Medvedev ka nënvizuar nevojën për integrimin e dy rajoneve – atij të Detit Kaspik dhe atij të Detit të Zi. Bullgaria ndodhet në anën tjetër të Detit të Zi dhe është porta hyrëse në kontinentin evropian – i është përgjigjur Bojko Borisov

“Zakonsiht diskutojmë temën për gazin natyror, por kini parasysh se marrëdhëniet tregtare, transporti rrugor, hekurudhor dhe detar dhe qendrat ekzistuese në Bullgari dhe në Rusi në veri të Detit Kaspik kanë perspektiva të madha, ka nënvizuar Borisovi. Deti i Zi duhet të mbetet deti i paqes, tregtisë, lidhjeve të transportit dhe interkonektorëve, ka bërë thirrje kryeministri bullgar”.

Ndër temat e shqyrtuara në takimin mes Borisovit dhe Medvedevit ka qenë dhe ajo për mundësinë për realizimin e projektit “Centrali Atomik Belene” në sfondin e kushteve të shpallura nga pala bullgare.