Ka interes të madh të investitorëve nga Koreja e Jugut ndaj Bullgarisë, tha kryeministri Bojko Borisov. Për ndërtimin e uzinës për prodhim të automjeteve Bullgaria po negocion përveç me “Volkswagen” edhe me “Hyundai” – shpjegoi kryeministri dhe shtoi se deri në shtator duhet të ketë qartësi për investimin korean, i cili do të jetë për mbi 1,5 mln. dollarë. Ministri i ekonomisë Emill Karanikollov shtoi se po zhvillohen bisedime dhe me akoma një investitor tjetër nga Koreja e Jugut, i cili po kërkon terren të përshtatshëm për fabrikë të vet në Bullgari. Bëhet fjalë për prodhuesin më të madh të baterive në botë SK Inovation. Kontaktet janë në vetë fillimin e tyre dhe për këtë investim do të konkurrohemi me disa shtete të tjera.