Prodhuesi i turbinave General Electric nga SHBA-ja ka parashtruar kërkesë për të marrë pjesë në ndërtimin e centralit atomik bullgar “Belene”, tha Ministrja e Energjetikës Temenuzhka Petkova. Pritet që deri në afatin përfundimtar 19 gusht ta parashtrojë ofertën e vet edhe kompania ruse “Rosatom”. Nuk mund të flitet për projekt rus, sepse sheshi dhe reaktorët janë bullgarë, si dhe licencat. Dy reaktorët rusë, të cilët i bleu Bullgaria teknikisht do të mund të punojnë edhe me turbina amerikane, na shpjegoi Ministrja Petkova. Projekti është i leverdishëm në sfondin e kushteve të shpallura nga pala bullgare, sipas të cilave shteti nuk duhet të marrë garanci për investimin, sepse nevoja për pakësimin e emisioneve të dëmshme në regjion do të shkaktojë kërkimin e energjisë së pastër energjetike me çmime të leverdishme, komentoi Kryeministri Bojko Borisov.