Zëvendëskryeministrja dhe Ministre e Punëve të Jashtme Ekaterina Zaharieva u takua me Ministrin e Punëve të Jashtme të Mbretërisë Hashemite të Jordanisë Ayman Safadi, me të cilin shqyrtuan mundësinë për këmbim përvoje dhe bashkëpunim në luftimin e radikalizmit. “Mund të luftojmë së bashku për arritjen e një paqeje të qëndrueshme në Lindjen e Mesme”, deklaroi Ministrja Zaharieva. Në takimin e saj me Ayman Safadi – Ministri i parë i Jashtëm i Jordanisë, i cili e ka vizituar vendin tonë, u shqyrtuan marrëdhëniet tregtare dhe ekonomike mes dy vendeve tona. U shënua dhe fakti se Bullgaria është duke punuar mbi një projekt, i cili do t’u sigurojë shtetasve të Jordanisë mundësi për të marrë arsim cilësor të lartë në universitetet bullgare.