Nuk ka rritje të sfondit gama të rrezatimit përgjatë bregdetit verior të Detit të Zi. Këtë e vendosi një kontrollim i laboratorit të lëvizshëm të Centralit Atomik Elektrik “Kozoluduj”. Matja u realizua në të gjitha vendbanimet përgjatë bregdetit verior të Detit të Zi që nga Shablla deri te Varna. “Rrezatimi gama në bregdetin verior është nga 0.5 deri në 0.15 mikrosivert në orë, gjë që është karakteristike për sfondin natyror të vendit”, tha Aleksandër Rupçanski, specialist i matjes së rrezatimit pranë Centralit Atomik Elektrik “Kozoluduj”. Matja e rrezatimit u realizua në lidhje me incidentin në sheshin e raketave afër qytetit Severodvinsk të Rusisë më 8 gusht, kur si rezultat i plasjes vdiqën njerëz, ndërsa niveli i rrezatimit në këtë qytet rus u rrit disa herë.