Bullgaria kërkon që të marrë resorin “Bujqësi” në Komisionin e ardhshëm Evropian, sipas botimit të autoritetshëm “Politiko”. Ai duhet t'i jepet Maria Gabrielit, e cila në këtë moment është komisionarja bullgare për ekonominë dhe shoqërinë digjitale. “Kemi interes nga portofoli bujqësi”, ka deklaruar një përfaqësues bullgar përpara botimit. Diplomati ka deklaruar po kështu se nuk mund të ripohojë me siguri  se vendi ynë do ta marrë, por çështja po shqyrtohet  nga kryeministri bullgar  Bojko Borisov dhe kryetarja e ardhshme e Komisionit Evropian Ursulla fon der Lajen. Bujqësia është një resor kyç, ajo disponon disa nga mjetet më të mëdha për shpërndarje dhe shpesh çështjet e lidhura me bujqësinë kanë shkaktuar debate të zjarrta në kuadrin e bashkësisë.