Të dhënat e “Gallup International” prej një sondazhi ndër popullsinë e moshës mbi 18 vjeçe të Bashkisë së Sofjes për tema aktuale sociale dhe politike tregojnë se 46% e të intervistuarve mendojnë se Sofja zhvillohet më tepër keq, ose shumë keq gjatë disa viteve të fundit. 18 % janë të mendimit se Sofja zhvillohet më tepër mirë, ose shumë mirë. Pak mbi 1/3 janë të mendimit se kryeqyteti lëvizet me tempe mesatare të zhvillimit. Përparësitë më të mëdha të Sofjes sipas të anketuarve janë sipërfaqet e gjelbra (22%), transporti (15%), mundësitë për realizim (13%) dhe urbanizimi në përgjithësi (10%).Ndër përgjigjet e tjera të të anketuarve janë qasja te ngjarjet kulturore, infrastruktura etj.  Problemet më të mëdha të Sofjes sipas kryeqytetasve të intervistuar janë çështjet e pazgjidhura të infrastrukturës së qytetit (13%), ndërtimi i tepërt (12%) dhe ndotja e ajrit (10%). Gjysma e të intervistuarve pohojnë se janë të kënaqur për punën e Jordanka Fandëkovës si kryetare e Bashkisë së Sofjes, 37% nuk janë të kënaqur, ndërsa 13% nuk mund të japin vlerësim.