Kroacia dhe Bullgaria do të koordinojnë së bashku prioritetet dhe punën e dy presidencave – të Këshillit të BE-së dhe të Procesit të Berlinit, të cilat dy vendet do t’i ndërmarrin që nga fillimi i vitit të ri. Për këtë u morën vesh Zëvendëskryeministrja bullgare dhe Ministre e Punëve të Jashtme Ekaterina Zaharieva dhe Ministri korat i Punëve të Jashtme dhe i Çështjeve Evropiane Gordan Grlić Radman. Të dy u takuan në Helsinki, ku marrin pjesë në takimin joformal të ministrave të jashtëm nga BE-ja. Që nga data 1 janar deri më 31 qershor 2020 Kroacia do të jetë kryetare e Këshillit të BE-së, ndërsa gjatë tërë vitit në vijim Bullgaria dhe Republika e Maqedonisë së Veriut ndërmarrin së bashku Presidencën e Procesit të Berlinit. Një pjesë prej bisedimit mes dy ministrave u mbajt në bullgarisht, sepse Gordan Grlić Radman e ka mësuar gjuhën tonë gjatë mandatit të tij si diplomat në Ambasadën e Kroacisë në periudhën 1994-1996.