Anketa e Dhomës Industriale dhe Tregtare tregon se pothuaj gjysmë e bizneseve në Bullgari do të financonin parti politike, por kanë frikë se ndaj tyre mund të ushtrohet presion. Sipas kryetarit të Dhomës Cvetan Simeonov 63% prej përfaqësuesve të biznesit miratojnë pakësimin e financimit shtetëror për partitë politike. 45% e të anketuarve kërkojnë rregulla të qarta dhe transparente për financim dhe sanksione kundër ofrimit të parave me origjinë të dyshimtë. 78% prej firmave kërkojnë që të përcaktohet shuma maksimale për financimin e partive, kurse gjysma prej tyre shqetësohen se mekanizmi do të çojë në përkrahjen e kompanive të caktuara.