Ministri i Punëve te Brendshme Mlladen Marinov deklaroi se situata e tanishme lidhur me fluksin e migrantëve është e vështirësuar. Marinovi e bëri këtë deklaratë pasi u takua me Ministrin grek të Migracionit Georgios Kumutsakos. Tërë Evropa është e rrezikuar nga migracioni, por për Bullgarinë kjo çështje është me rënësi shumë të madhe, sepse ajo është kufi i jashtëm i BE-së. Me Ministrin grek janë shqyrtuar veprime të përbashkëta adekuate. Tashmë ka masa për kufizimin e presionit të migrantëve, por ka nevojë që politika e BE-së të përqendrohet te zonat më problematike, siç aktualisht janë Mesdheu Lindor dhe kufiri tokësor me Turqinë. Bullgaria ngul këmbë para KE-së për masa në tri drejtime – forcimi i kontrollit të lëvizjeve të migrantëve brenda BE-së, forcimi i rojës në kufij dhe veprime jashtë kufijve të BE-së me vendet e origjinës së migrantëve dhe të transitit, saktësoi Ministri i Punëve të Brendshme.