Presidenti bullgar Rumen Radev mori pjesë në forumin politik të nivelit të lartë në Nju Jork kushtuar zbatimit të Qëllimeve të zhvillimit të qëndrueshëm, forum ky i cili zhvillohet nën egjidën e Asamblesë së përgjithshme të OKB-së. Kreu i shtetit vuri në dukje se zhvillimi i qëndrueshëm kërkon një mekanizëm efektiv për garantimin e sigurisë globale, i cili të inkurajojë dialogun dhe diplomacinë e shumanshme. Ai paralajmëroi se arritja e epërsisë teknologjike me qëllim dominimin politik, çon në mbylljen e shkencës në kufij të ngushtë gjeografikë, inkurajon emigrimin shkencor dhe krijon një gremë teknologjike mes shteteve. Zhvillimi i qëndrueshëm kërkon gjithashtu një konsensus global kundër korrupsionit transkufitar, larjes së parave të pista dhe fshehjes së tatimeve, nënvizoi Presidenti.