Prodhuesi gjerman i pjesëve të këmbimit “VOSS Automotive”, zyrtarisht hapi uzinën e vet të parë në Bullgari. Ajo ndodhet në parkun industrial “Bahovica” afër qytetit Lloveç dhe punon që nga muaji maj. Vendet e punës në të deri në këtë moment janë 100, por deri në fund të vitit tjetër numri i tyre pritet se do të rritet deri më 900. Investimi në këtë objekt deri tani është me vlerë 15 milionë euro. Koncerni ka një përvojë të provuar shumëvjeçare në prodhimin e lidhjeve të tubave dhe të komponentëve për instalim parësor në sistemet e lëndëve djegëse, të sistemeve të ftohjes, të atyre pneumatike dhe të sistemeve të shkarkimit për automobila të lehta dhe automjete të rënda. Aktualisht ai ka uzina të veta në 56 shtete dhe qarkullimi i tij vjetor është mbi 600 milionë euro, kurse të punësuarit – mbi 6000.