Libri i psalmeve i Tomiçit është një nga dorëshkrimet më të vlefshme mesjetare bullgare, i cili për herë të parë vjen në Sofje. Relikti i çmueshëm nga “shekulli i dytë i artë” (siç është e njohur periudha e sundimit të mbretit Ivan Aleksandër – 1331-1371) deri tani është ruajtur në arkivin e Muzeut Historik Shtetëror në Moskë dhe do të mbetet në Muzeun Arkeologjik Kombëtar në Sofje deri më 8 dhjetor. Kjo është në lidhje me përvjetorin e 150-të të themelimit të Akademisë Bullgare të Shkencave, pjesë prej së cilës është muzeu arkeologjik.
Libri kishtar është shkruar në gjuhën e vjetër bullgare nga murgjit e Shkollës së Veliko Tërnovos. Është prej letre, ka 301 faqe dhe në të ka 109 miniature të mrekullueshme – një ekzemplar i rrallë i artit të Paleologëve. Me ilustrimet e shumta Libri i psalmeve i Tomiçit, bashkë me Kronikën e Manasit dhe Ungjillin e Londrës, është një nga monumentet më të rëndësishme të shkruara nga shekulli i XIV-të dhe nga koha e Mbretit Ivan Aleksandër. Libri është gjetur në vitin 1901 nga profesori serb Sima Tomiç, me emrin e të cilit është i njohur. Zv.drejtori i Muzeut Historik Shtetëror në Moskë Andrej Janovski tha se libri i psalmeve vjen në Bullgari menjëherë pas restaurimit të tij që ka vazhduar 10 vjet.
Arkeologët bullgarë vazhdojnë studimin e nimfeumit të lashtë (vend i shenjtë i nimfave), zbuluar në kompleksin "Aquae Calidae" pranë Burgasit. Nimfeu zë një vend qendror në banjot e dikurshme romake dhe ka qenë pjesë e një shatërvani me mbishkrim..
Një tempulli trak nga shekulli III para Krishtit pa analog në vendin tonë mund të shndërrojë 10 hektarë të zonës "Jug" ("Juzhen") të Plovdivit në një park arkeologjik. Vendi ndodhet në bazën e Tumës së Madhe, të cilën një ekip i Muzeut..
Gjetje të vlefshme dhe unike arkeologjike u zbuluan gjatë gërmimeve në fshatin Kapitan Petko Vojvoda të rrethit të Topollovgradit, raportoi BTA. Arkeologët e udhëhequr nga Daniella Agre kanë gjetur një varr të mundshëm të një aristokrati trak me..
A ndodh që nëpër muze të ketë edhe disa eksponate të falsifikuara aq mirë sa nuk dallohen fare nga origjinalet - ka zëra dhe spekulime për këtë temë, por..