Në takimin e 15 të presidentëve të republikave parlamentare në BE, takim ky i cili zhvillohet në Athinë, Presidenti i Bullgarisë Rumen Radev deklaroi se në rast se gjatë mandatit të ri të institucioneve Bashkimi Evropian nuk investon në unitetin e tij social dhe ekonomik ndarja e brendshme do të vazhdojë të kërcënojë parimet dhe stabilitetin e tij. Në fjalimin e vet Kreu i Shtetit e vuri theksin te domosdoshmëria për përballimin e dallimeve mes Lindjes-Perëndimit dhe Verut-Jugut në Evropë. BE-ja ende reagon kryesisht ndaj ndryshimeve në mjedisin e sigurisë, derisa lojtarët e tjerë strategjikë e ndryshojnë këtë mjedis në interes të vet. Bashkimi po vazhdon të ketë nevojë për një plan operativ për të mbrojtur kufijtë e tij të jashtëm, në rast një presioni të madh migrantësh dhe situata e tanishme e ripohon këtë, deklaroi Kreu i Shtetit dhe bëri thirrje gjithashtu për reforma në Rregulloren e Dublinit dhe në politikën evropiane për dhënien e strehimit.