Bullgaria mori pjesë në ekspozitën më të madhe të ushqimeve në botë, e cila zhvillohet një herë në dy vjet në Këlln të Gjermanisë. Para Radios Kombëtare Bullgare Antoaneta Bozhinova, drejtoresha ekzekutive e Bashkimit të Përpunuesve të Frutave dhe Perimeve, e cila ka marrë pjesë në ekspozitë tha se kjo është “një vitrinë botërore e ushqimeve”. Tetë kanë qenë firmat bullgare pjesëmarrëse në të dhe një pjesë prej produkteve të tyre kanë qenë në segmentin më të lartë të tregut evropian – produktet biologjike. Interes të madh kanë provokuar produktet tona të thara, të cilat janë një tendencë aktuale në treg. 160 000 vizituesit e ekspozitës patën mundësi të njihen me produktet tona autentike si ljutenica (salcë me domate dhe speca) dhe kosi.