Marrëveshja e pjesshme tregtare mes SHBA-së dhe Kinës është një lajm, i cili mund të përshëndetet, por nuk mund ta heqë efektin negativ mbi ekonominë botërore nga lufta tregtare mes të dyja vendeve, deklaroi sot drejtoresha e Fondit Monetar Ndërkombëtar bullgarja Kristalina Georgieva. “Kemi nevojë jo vetëm për armëpushim, kemi nevojë për paqe tregtare”, nënvizoi ajo.

Më herët sot Ministria kineze e Tregtisë shpalli se negociatat tregtare të vendit me SHBA po ecin në “drejtim pozitiv”.

Para gazetarëve Georgieva përshëndeti dhe marrëveshjen për Brexit ndërmjet Bashkimit Evropian dhe Mbretërisë së Bashkuar dhe nënvizoi se ky është një “lajm i mirë”.