Në edicionin e 38-të të ekspozitës ndërkombëtare për produkte ushqimore, përbërës dhe teknologji Saudi Agro-Food, që u mbajt nga 21 deri më 24 tetor në Riad të Mbretërinë e Arabisë Saudite u prezantuan më se 380 firma nga 34 shtete. Herën e dytë Bullgaria u përfshi me një stendë të prodhuesve të bulmetrave, të mishit, të mjaltit, të frutave të ngrira etj.

“Ministria e Bujqësisë, Ushqimeve dhe Pyjeve bënë gjithçka të mundshme për inkurajimin e eksportit të mallrave bujqësore bullgare për Mbretërinë e Arabisë Saudite” tha zëvendës ministri i bujqësisë, ushqimeve dhe pyjeve Janko Ivanov në Riad. Sipas të dhënave paraprake në periudhën janar-qershor 2019 eksporti i mallrave bujqësore bullgare për tregun saudit u rrit me 7 për qind mbi bazë vjetore. Pritet në kohë të afërt të regjistrohet një Kompani Bullgaro-Saudite për Zhvillimin e Investimeve me sëli në Sofje, njoftuan nga Ministria e Bujqësisë, Ushqimeve dhe Pyjeve. Krijimi i saj u kontraktua në një memorandum për bashkëpunim në përpunimin e drithërave, kulturave vajore dhe foragjereve.