Siç pritej, gara për postin e kryebashkiakut është më e fuqishme dhe ndiqet me interes më të madh në Sofje, Plovdiv dhe Varna. Në kryeqytet kandidatët për këshilltarë bashkie janë gjithsej 19, në Plovdiv – 14, në Varna – 11. Kandidatët për këshilltarë bashkiakë vetëm në Sofje janë 1010. Shumë e madhe është konkurrenca për kryetarë bashkie të rajoneve të veçanta të tri qyteteve më të mëdha bullgare, ku përveç për kryetar të Bashkisë së Sofjes dhe këshilltarë bashkiakë votohet për kryebashkiak të rajoneve të veçanta. Gjithsej 341 kandidatë konkurrojnë për 24 rajonet e Bashkisë së Kryeqytetit. Në Plovdiv partitë dhe koalicionet e regjistruara për zgjedhjet janë 29 por vetëm 16 prej tyre shpallën kandidatë të vetë për kryebashkiakë të rajoneve. Për pesë rajonet e Varnës ka gjithsej 45 kandidatura. Kandidati për kryetar bashkie konsiderohet i zgjedhur në raundin e parë në qoftë se për të kanë votuar mbi 50 për qind prej votuesve. Në rast të kundërt do të zhvillohet balotazh.