Nuk ka shkelje të embargos, të ndonjë kontrate, ose marrëveshjeje ndërkombëtare sa i përket fluturimit të avionëve ushtarakë rusë mbi Bullgari drejt Serbisë, deklaroi Ministri bullgar i Mbrojtjes Krasimir Karakaçanov. Ndalimi i fluturimit do të shkaktonte skandal diplomatik me Rusinë. Bëhet fjalë për teknikë, e cila është transportuar me aeroplan mbi Bullgari dhe kthehet nga Serbia në të njëjtën mënyrë, nënvizoi Karakaçanov. Nesër ne do të duhet të fluturojmë mbi një shtet të tretë, duke fluturuar drejt Afganistanit dhe kur ti nuk i ke shkelur rregullat ndërkombëtare nuk ka arsye që kjo të mos lejohet. Sigurisht që partnerët tanë në NATO nuk e pëlqejnë këtë, por situata është e tillë, komentoi Ministri.