Në kuadrin e takimit të katërt të nivelit të lartë në Selanik kryeministri Bojko Borisov u takua me ambasadorin e ShBA-së në Greqi Xhefri Pajët. Të dy ata diskutuan diversifikimin e burimeve për furnizimin e gazit natyror për Bullgarinë dhe për Evropën Juglindore. U shqyrtua pjesëmarrja e Bullgarisë si aksionare në projektin për ndërtimin e terminalit të gazit të lëngshëm në afërsi të qytetit Aleksandrupolis në Greqi. Pala bullgare vendosi të marrë pjesë me 20 për qind në kapitalin e kompanisë që do të ndërtojë terminalin. Tani “Bullgargaz” analizon sasitë e gazit të lëngshëm natyror, të cilat duhet të rezervojë në kuadrin e fazës së dytë të testimit tregtar.