Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Bullgaria dhe SHBA nënshkruan marrëveshje kornizë për bashkëpunim strategjik

| rinovuar më 19-11-26 1.21.MD
Bojko Borisov (majtas) dhe Donald Trump
Foto: EPA/BGNES

Marrëveshje kornizë për bashkëpunim strategjik nënshkruan në Uashington Presidenti amerikan Donald Trump dhe Kryeministri Bojko Borisov. Sferat që i mbulon dokumenti janë ekonomia, teknologjitë IT, arsimi, mbrojtja, liria e mediave dhe epërsia e ligjit, tha Kryeministri Borisov në intervistë për BNR pas takimit të tij me Donald Trump në Shtëpinë e Bardhë.

Pavarësisht se nuk ishte shpallur paraprakisht ndër temat e takimit, Borisovi shpjegoi se heqja e vizave për shtetasit bullgarë që udhëtojnë në Amerikë, është prekur gjatë bisedimeve. Pa angazhuar me afate konkrete Borisovi shprehu bindjen e tij se vizat për bullgarët do të hiqen.

Trump e ka miratuar ambicien e Bullgarisë që të bëhet qendër shpërndarëse të gazit në rajon. Kryeministri tha se akoma gjatë kësaj jave ekspertë amerikanë do të shqyrtojnë mundësitë për investime në projektin “Belene” dhe në Centralin Atomik Elektrik “Kozlloduj”. Për “ Belene” po diskutohen mundësitë për import të pajisjes amerikane dhe lënës djegëse të prodhuar në SHBA.

Nga deklaratat e përbashkëta të Shteteve të Bashkuara dhe Bullgarisë në lidhje me marrëveshjen kornizë bëhet e qartë se SHBA-ja kanë ndërmend të përkrahin Bullgarinë në veprimet e saj të lidhura me kundërvënien e korrupsionit, i cili pengon rritjen ekonomike të vendit dhe është në dëm të besimit të qytetarëve në institucionet shtetërore. Kjo do të bëhet nëpërmjet bashkëpunimit aktiv policor dhe gjyqësor dhe ofrimit të ndihmës teknike dhe trajnimit. Këto përpjekje do të qëllojnë parandalimin e korrupsionit në pushtet, kriminalitetit të organizuar transkombëtar dhe krimeve financiare në Bullgari. SHBA-ja dhe Bullgaria gjithashtu do të jenë partnere në mbrojtjen e lirisë së mediave.





Последвайте ни и в Google News Showcase, за да научите най-важното от деня!

Më shumë nga rubrika

Teatri Popullor

Parashikimi i motit për 4 tetorin

Të premten temperaturat minimale do të lëvizin ndërmjet 10 dhe 15°, në Sofje 13°. Maksimumi do të jetë nga 26 deri në 31°, në kryeqytet do të jetë 28°. Gjatë ditës do të mbajë mot me diell në Bullgarinë Qendrore dhe Lindore. Vranësirat do të..

botuar më 24-10-03 7.40.MD

Bullgaria rrezikon të referohet në Gjykatën e Drejtësisë të BE-së për mosrespektim të tri procedurave

Komisioni Evropian paralajmëroi zyrtarisht Bullgarinë, Estonin dhe Irlandën që të transpozojnë saktë Ligjin e BE-së kundër racizmit dhe ksenofobisë, njoftoi korrespondentja e BNR në Bruksel, Angelina Piskova. Në arsyetimin e tij, Komisioni Evropian vë..

botuar më 24-10-03 5.31.MD
Jasen Tomov

Bullgaria po kërkon variante alternative për evakuimin e bashkatdhetarëve tanë nga Libani

Largimi i shtetasve bullgarë nga Libani, i kryer me dy fluturime drejt Bullgarisë, tashmë duket i vështirë për t'u realizuar, sipas ambasadorit tonë në vend Jasen Tomov. Sipas tij, fluturimi i radhës është i rrezikshëm, prandaj po kërkohen variante..

botuar më 24-10-03 2.48.MD