Presidenti Rumen Radev shpalli fillimin e edicionit të 17-të të Iniciativës Bamirëse “Krishtlindjet Bullgare”. Ajo zhvillohet nën kujdestarin e kreut të shtetit dhe është në përkrahje të fëmijëve të sëmurë. Starti zyrtar u vu në Spitalin Universitar “Shën Marina” në qytetin Varnë. Presidenti theksoi se e zgjodhi këtë spital, sepse është ndër më të mirat në vend dhe është i pajisur me teknologji moderne. Mjetet e fushatës së sivjetshme e cila është nën moton “Të dhurojmë të ardhmen e fëmijëve të sëmurë” do të shfrytëzohen për blerjen e aparaturës moderne të teknologjisë së lartë për diagnostikim preciz, për mjekim modern dhe për rehabilitim aktiv.