Kryeministri Bojko Borisov tregoi në faqen e tij në Facebook se si inspekton nga helikopteri pjesën e ndërtuar të Rrymës Ballkanike – aksin nga fshati Gorni Dëbnik deri në Sesllanovci. Gjatësia e tij është 45 kilometra. Tashmë është ndërtuar tubacion me gjatësi 150 kilometra dhe janë vendosur mbi 18 mijë gypa.

Kështu Borisovi tregoi se çfarë është bërë deri tani nga projekti “Rryma Ballkanike” dhe nënvizoi se shpejtësia, me të cilën punohet është mbresëlënëse, pa ditë pushimi. Kështu do të respektohen të gjitha afatet e lidhura edhe me procedurat bullgare edhe me ato evropiane.

I gjithë tubacioni do të jetë gati deri në mes të muajit maj të këtij viti. Interesi ynë gjeostrategjik është që të mbetemi në rrjetin e transmetimit të gazit. Bullgaria është një qendër regjionale për shpërndarjen e gazit e kjo do të thotë se këtu do të furnizohet gaz nga shumë vende, kurse Bullgaria do të marrë taksa transiti për këtë, shpjegoi kryeministri.