Ambasadori i jashtëzakonshëm dhe fuqiplotë i Republikës së Bullgarisë në Republikën e Shqipërisë Momchil Raychevski dhe kryetari i bashkisë së Belshit z. Afir Tafani nënshkruan një marrëveshje për dhënien e ndihmës falas në kuadrin e ndihmës zyrtare për zhvillim që ofrohet nga Republika e Bullgarisë për realizimin e projektit “All-in-One Solar LED Street Lights”, informon Ambasada e Republikës së Bullgarisë në Tiranë.

Mbështetja është drejtuar te përmirësimi i menaxhimit të qëndrueshëm të burimeve natyrore përmes montimit të ndriçimit LED të rrugëve në katër vendbanime të bashkisë. Me këtë jo vetëm do të përmirësohet infrastruktura e ndriçimit rrugor, por do të arrihet rritje me më shumë se 50% për qind e efektivitetit energjetik të ndriçimit publik. Rrugët, që janë përfshirë në projekt, çojnë te institucione të rëndësishme publike si spitale dhe shkolla. Realizimi i projektit do të ketë efekt shumëvjeçar praktik për popullsinë dhe do të ndihmojnë për zhvillimin e qëndrueshëm të bashkisë së Belshit.