Presidenti Rumen Radev shqyrtoi në Jerusalem bashkë me homologun e vet izraelit Reuven Rivlin dhe Kryetarin e Knesetit Juli – Joel Edelshtajn zhvillimin e marrëdhënieve dypalëshe. U konstatua se ato janë të shkëlqyeshme dhe ka një potencial të madh për zhvillimin e inovacioneve, teknologjive të larta dhe ekonomisë. U diskutuan perspektivat për zhvillim të Procesit Paqësor të Lindjes së Mesme dhe domosdoshmëria për forcim të stabilitetit në regjion. Duke informuar për krizën e ujit në disa qytete bullgare, Presidenti Radev shfaqi interes për përvojën e Izraelit në përdorimin dhe ruajtjen e resurseve ujore. Presidenti Rivlin nga ana e vet shprehu gatishmëri që ekspertë nga Izraeli ta ndihmojnë Bullgarinë në këtë drejtim. Kreu i shtetit bullgar është në Izrael për të marrë pjesë në shënimin e përvjetorit të 75 të çlirimit të Oświęcim dhe të Ditës së Nderimit të Viktimave të Holokaustit.