Shumica e të rinjve bullgarë, të cilët janë duke mbaruar arsimin e tyre të mesëm, nuk duan të punojnë në sferën e prodhimit. Ata preferojnë të realizohen në fushën e shërbimeve. Profesionet e preferuara nga ata janë ato të automekanikut, floktarit, policit dhe kuzhinierit, por nuk përmenden profesionet e financierit, shkencëtarit-eksplorues ose të sipërmarrësit. Këtë e tregojnë rezultatet e studimit botëror PISA, që u zhvillua për Organizatën për Bashkëpunim dhe Zhvillim Ekonomik në vitin 2018. Nuk mund të shpjegohet se pse bullgarët e rinj kanë zgjedhur pikërisht profesione të tilla. Ndryshimet e mëdha në tregun e punës dhe profesionet e reja pothuajse nuk i bëjnë përshtypje rinisë bullgare. Ka vetëm një përjashtim – çdo një djalë i gjashtë në Bullgari ka dëshirë të merret me IT teknologji, por kjo nuk u përket vajzave.