Më 24 janar Ambasadori rus në Sofje Anatoli Makarov u thirr në MPJ. Ai mori një notë, sipas së cilës në kuadrin e 48 orëve dy diplomatë rus të akuzuar për spiunazh duhet të largohen nga Bullgaria. Makarovi ka deklaruar se afati do të respektohet. Rusia ruan të drejtën e ndërmarrjes së masave në përgjigje, shënohet në një deklaratë të Ambasadës ruse në Facebook dhe shtohet se nuk janë marrë prova për akuzat e ngritura. Sinjali kundër diplomatëve u dha nga Agjencia Shtetërore për Sigurinë Kombëtare. Sipas prokurorisë njëri prej dy rusëve ka qenë nëpunës i një përfaqësie tregtare në Sofje dhe ka grumbulluar informacion për energjetikën. Tjetri është sekretar i parë në Konsullatën e misionit dhe është marrë me proceset zgjedhore në Bullgari.