Zëvendësministri i Punëve të Jashtme Georg Georgiev vizitoi Montreal dhe u takua me organizata të bashkësisë bullgare në provincën Kebek, si dhe me Këshillin Kanadezo-Bullgar të Biznesit. Ju falënderoj për atë që bëni, jo vetëm për ruajtjen e identitetit bullgar, por dhe për popullarizimin e vendit tonë, tha Georgiev. Në mes të Bullgarisë dhe Kanadasë ka mundësi të papërdorura. Shpresoj se Marrëveshja Gjithëpërfshirëse Ekonomike dhe Tregtare mes Kanadasë dhe BE-së të çojë në njohjen e tregut dhe të biznes-investitorëve. Në qoftë se hapet përfaqësia kanadeze në Sofje, Kanadaja do të ketë një prani më të dukshme në vendin tonë dhe kjo do të krijojë kushte më të mira për investime dhe projekte të përbashkëta, vuri në dukje gjithashtu Georgiev.