Prokuroria e Republikës së Bullgarisë shpalli se duke pasur parasysh respektimin e parimit të ndarjes së pushtetit, ajo pezullon të gjitha kontaktet me selinë e Presidentit, përveç shkëmbimit të korrespondencës me shkrim.

Arsyeja për këtë vendim të Kryeprokurorit Ivan Geshev është domosdoshmëria për të shmangur çdo dyshim dhe çdo përpjekje për ndikim mbi këtë institucion. Pezullimi i kontakteve do të vazhdojë derisa të shqiptohet mendimi i Gjykatës Kushtetuese për interpretim të detyrueshëm të dispozitës kushtetuese të lidhur me imunitetin e Presidentit dhe Nënpresidentit.

Kujtojmë se më 28 janar Prokuroria informoi se disponon me të dhëna, sipas të cilave Presidenti Rumen Radev mund të ketë lidhje eventuale me kryerjen e një krimi.