Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Presidenti Radev ia heq besimin qeverisë

Presidenti Radev (majtas) dhe Kryeministri Borisov
Foto: BGNES

Në një fjalim të drejtuar popullit bullgar Presidenti Rumen Radev shpalli zyrtarisht se ia heq besimin qeverisë, sepse ajo nuk vepron në interes të qytetarëve. Duke nënvizuar se tashmë tre vjet me radhë ai i bën thirrje kabinetit që të punojë në mënyrë të përgjegjshme, Radevi tha se nuk e bë këtë si oponent politik, por si kreu i shtetit i shqetësuar për të ardhmen e Bullgarisë.

Jemi dëshmitarë të krizës së ashpër në të gjitha nivelet e qeverisjes. Mungon vullneti për reforma dhe kundërvënien e korrupsionit. Shkelja metodike e ligjit na çoi deri në paralizën e sistemeve dhe institucioneve të tëra publike – një situatë që është pa analog në historinë e tranzicionit bullgar.

Qytetarët e Pernikut dhe fshatrat në regjion janë pa ujë të pijshëm, kurse qeveria nuk është gati ta ndërmarrë përgjegjësinë politike për këtë. Djegia e plehrave që importohen nga jashtë helmon ajrin tonë. Bullgaria nuk është depo mbetjesh dhe askush nuk ka të drejtën të kërcënojë shëndetin e bullgarëve, duke ofruar fitim për pak afaristë me proteksione shtetërore, tha gjithashtu Presidenti.

Qeveria po përgatit reforma të bordit valutor “pa bërë zë”. Legjislacioni mbetet peng i interesave private dhe të korporatave, varfëria dhe pabarazia janë në rritje. Organet shtetërore kërcënojnë ata që nuk pajtohen me politikën e tyre, ka një fushatë kundër lirive të qytetarëve. Qeverisja aktuale çon deri në prishjen e themeleve të shtetit. Kjo nuk mund të vazhdojë më, tha Rumen Radevi dhe bëri thirrje për bashkim në emër të drejtësisë dhe të ardhmes së Bullgarisë.

Fjalimi i Presidentit është politik, komentoi Kryeministri Bojko Borisov disa qrë pas deklaratës së Presidentit Radev. “Për mua ai nuk është President, sepse e ndan kombin”, tha Borisovi. Ai shtoi se të dy me Presidentin nuk kanë pika të përbashkëta “përveç mbledhjeve të pakuptimta të Këshillit Konsultativ, në të cilat kurrë asgjë nuk kemi zgjidhur”.




Последвайте ни и в Google News Showcase, за да научите най-важното от деня!

Më shumë nga rubrika

Калин Джорджеску

Ngjarjet me adresë ballkanike

Kalin Xhorxhesku mbetet favoriti për vendin e presidentit në Rumani Kalin Xhorxhesku, i cili fitoi raundin e parë të anuluar të zgjedhjeve presidenciale në nëntor 2024 si një kandidat i pavarur, mbetet favorit për postin me 45% mbështetje..

botuar më 25-02-22 9.30.PD
Rumen Radev

Agjencia “Mjara”: Besimin më të madh tek votuesit e ka presidenti Rumen Radev

Në mesin e personaliteteve nga spektri politik në vendin tonë, besimin më të madh nga votuesit e gëzon presidenti Rumen Radev - 46,7%, i ndjekur nga kryeministri Rosen Zheljazkov (18,9%), lideri i partisë më të përfaqësuar në parlament, GERB,..

botuar më 25-02-21 5.34.MD

GERB: Politika e SHBA përbën një rrezik për ekonominë bullgare

Udhëheqësi i GERB-it, Bojko Borisov, u tha gazetarëve se ai mbështet qëndrimin e presidentit amerikan Donald Trump për paqen në Ukrainë, por këmbëngul që Bullgaria të mbetet besnike ndaj partnerëve të saj evropianë. Sipas tij, politika e..

botuar më 25-02-21 3.56.MD