Sekretari i shtetit i SHBA-së Michael Pompeo bëri të ditur se gjyqtari bullgar Andon Mitallov merr pjesë në korrupsion serioz. Shpallja e emrit të tij është sipas Kreut 7031(c) prej Ligjit për shpenzimet buxhetore, operacionet e huaja dhe programet e lidhura të Departamentit Shtetëror. Personat e huaj të shpallur dhe të afërmit e tyre të drejtpërdrejtë nuk u përgjigjen kushteve për hyrje në SHBA. Është sanksionuar edhe e shoqja Kornelija Stojkova-Mitallova dhe e bija e gjyqtarit Gergana Mitallova. Pompeo vë në dukje se ky është ndëshkimi  i parë i këtij lloji që i përket  Bullgarisë dhe ai ripohon angazhimin e SHBA-së në luftimin e korrupsionit. Andon Mitallov është gjyqtari, i cili e lejoi të akuzuarin për spiunazh Nikollaj Malinov për të udhëtuar deri në Rusi, ku u dekorua nga Presidenti rus Vladimir Putin, megjithëse kishte ndalim për të mos u larguar nga Bullgaria.