Katastrofa demografike është rreziku më i madh për kombin dhe detyra jonë e parë është që ta ndryshojmë këtë tendence negative, tha Presidenti Rumen Radev para studentëve në Universitetin e Pyjeve në Sofje. Kreu i Shtetit vuri në dukje se ka nevojë për një program gjithëpërfshirës në 3 drejtime – arsimi, shëndetësia për fëmijët dhe përkrahja shtetërore për familjet e reja. Presidenti nënvizoi se arsimi duhet të jetë një prioritet strategjik kombëtar. Kriza e ujit në Pernik tregon se politika në sektor është rrëzuar, ndërsa rezultatet e testit ndërkombëtar PISA se ka probleme në arsim. Dallimi i vetëm është se krizën e ujit e ndiejmë menjëherë, ndërsa pasojat në arsim do t’i ndiejmë pas vitesh, tha Radev.