Agjencia Shtetërore për Bullgarët Jashtë Shtetit, e krijuar gjatë vitit 1992 me misionin të ndihmojë shtetasit bullgarë, të cilët kanë zgjedhur të jetojnë dhe të punojnë jashtë kufijve të vendit, ka përgatitur një program të pasur për ta edhe gjatë vitit 2020. Përpara Radio Bullgarisë Lili Spasova, eksperte kryesore në institucion, deklaroi se përmes festivaleve dhe forumeve të tjera shteti do të vazhdojë të punojë për ruajtjen e hapësirës etno-kulturore bullgare dhe për ndërtimin e lobeve bullgare jashtë vendit.
Mes prioriteteve të Agjencisë është puna me fëmijët. Në këtë lidhje gjatë vitit 2020 theksi do të vihet mbi 350 shkollat bullgare të së dielës nëpër 6 kontinentet. “Duke u nisur nga fakti se leximi në gjuhën bullgare është jashtëzakonisht i rëndësishëm për bullgarët e vegjël të cilët rriten jashtë shtetit, Agjencia Shtetërore për Bullgarët Jashtë Shtetit do të jetë bashkëorganizatore dhe një institucion përkrahës i Konkursit të IV-të Ndërkombëtar të Shkollave për Lexim në Gjuhën Bullgare “Az, Buki, Vedi”. Gjatë vitit 2020 mikpritës i tij do të jetë shkolla “Shën Princi Boris i I” në Aahen – Gjermani”, shënon Lili Spasova.
Në prag të 147-vjetorit e vdekjes heroike të Apostullit të Lirisë Vasill Levski, bashkë me qendrën Bullgaro-Amerikane për Trashëgimi Kulturore në Çikago u zhvillua olimpiada shkollore “Levski-2020”. Do të zhvillohen akoma iniciativa të tjera të Agjencisë Shtetërore për Bullgarët Jashtë Shtetit mes të cilave janë edicioni i 24 i konkursit letrar “Stefan Geçev”, konkursi i 19 për piktura “Bullgaria në ëndrrat e mia”, konkursi i 11 për të kënduar “Ljubka Rondova”, Folkloriada dhe Spartakiada.
“Do të vazhdojmë të përkrahim krijuesit e talentuar bullgarë jashtë kufirit – vazhdon Lili Spasova dhe rikujton se sipas traditës Agjencia Shtetërore për Bullgarët Jashtë Shtetit i përkrah përfaqësuesit e Bullgarisë në konkursin e këngëve “Eurovision”. Gjatë viteve të kaluara ky forum u shndërrua në një kauzë bashkuese për bullgarët jashtë shtetit. Sipas rregullave votimi është i mundshëm nga territori i shteteve të tjera. Dhe bashkatdhetarët tanë e shfrytëzojnë rastin – “i përkrahin dhe ndjehen të fuqizuar me pjesëmarrësit bullgarë, të cilët u sjellin vetëdije dhe krenari”.
Lili Spasova nga Agjencia Shtetërore për Bullgarët Jashtë Shtetit vë në dukje akoma se po punohet gjithnjë e më shumë në dobi të bullgarëve jashtë Bullgarisë, duke mbajtur një komunikim efektiv me ta. Në radhë të vet, përfaqësuesit e bashkësive bullgare përfshihen me dëshirë në iniciativat e Agjencisë, kurse kjo lind miqësi të reja dhe zbulon talentet dhe potencialin e tyre në kulturë, në artet e ndryshme dhe në sport.
Përgatiti në shqip: Nataniela Vasileva
Foto: arkiv
Në renditjen Impact Rankings 2024 të Times Higher Education (THE), botuar më 12 qershor 2024, Universiteti i Sofjes "Shën Kliment Ohridski" u rendit në vendin 401-600 në mesin e 1963 universiteteve në botë. Alma Mater merr pjesë në renditje për të..
Lodhja nga zgjedhjet, pjesëmarrja jashtëzakonisht e ulët e votuesve (pak mbi 30%), të rinjtë në qendrat e votimit dhe një shpresë e brishtë, thuajse e paperceptueshme për stabilitet dhe normalitet politik. Kështu mund t'i përshkruajmë zgjedhjet e kaluara..
Interesimi për zgjedhjet për Parlamentin bullgar dhe Parlamentin Evropian në Maqedoninë e Veriut është i njëjtë si në zgjedhjet e mëparshme - numri i votuesve pritet të jetë i njëjtë, rreth 130. Por bullgarët e Maqedonisë së Veriut u ngopën me votimin e..
Bullgarët janë minoriteti i tretë më i madh në Shqipëri - sipas të dhënave të fundit të regjistrimit të popullsisë në këtë vend ballkanik. Këto janë të..
"Veshjet dhe armatimet bullgare të Mesjetës së Vonë" - kështu titullohet ekspozita e re e përhershme në Kalanë "Baba Vida" në qytetin e Bullgarisë..
Në Bullgari, sipas të dhënave jozyrtare janë 120 mijë persona me probleme në të dëgjuarin. Shumë prej tyre nuk duan të mësojnë gjuhën e shenjave, edhe..