Në një takim me homologun e tij grek Kiriakos Micotakis para mbledhjes së katërt të përbashkët të Këshillit për Bashkëpunim në nivel qeveritar, kryeministri Bojko Borisov tha, se bashkëpunimi midis dy shteteve është garant për prosperitetin e mbarë rajonit. Kryeministrat diskutuan thellimin e marrëdhënieve tregtare dhe ekonomike dhe shkëmbimin bilateral tregtar i cili në periudhën janar-tetor të vitit 2019 shënoi rritje nga 9.3 për qind në krahasim me të njëjtën periudhë të vitit 2018. U vu në dukje rëndësia e madhe e projekteve për hekurudhë në vijën Selanik – Kavalla – Aleksandrupolis – Burgas – Varnë - Ruse dhe për krijimin e infrastrukturës drejt pikës kufitare Rudozem – Ksanti.