Në një ceremoni në Mitropolinë e Sofjes Patriku Bullgar Neofit pranoi si dhuratë nga Papa Françesku copëza të eshtrave të Shën Klimentit – peshkop të parë të Serdikës së lashtë dhe Papa të Romës, dhe të Shën Potitit – martir të Serdikës. Në dorëzim nuncio apostolik monsinjor Ansellmo Guido Pekorari theksoi, se eshtrat kthehen në trojet ku të dy shenjtorëve jetuan dhe ndiqnin veprën prej misionari të të dy vëllezërve të shenjtë Qirill dhe Metodij. Dhurata e shenjtë është një shenje për dëshirën e Papës të kërkojë dhe të luftë për unitetin e të krishterëve dhe për respektin e përbashkët, gjë që karakterizon marrëdhëniet midis Fronit të Shenjtë dhe Patrikanës Bullgare, shtoi monsinjor Pekorari. Në fjalinë falënderuese Patriku Neofit theksoi, se copëzat e eshtrave të shenjta të Shën Klimentit janë “urë shpirtërore midis Kishës Bullgare dhe Kishës së Romës, veprimtaria e të cilave shekuj me radhë ngroh zemrat e popullit bullgar dhe atij italian”. Reliktet e dhuruara do të ruhen në Kishën e Lashtë “Shën Sofija” në kryeqytet.