Numri i lindjeve në Bullgari po vazhdon të ulet edhe gjatë 2019-ës, tregojnë të dhënat e Arkës Kombëtare të Shëndetësisë. Gjatë vitit 2019 në Bullgari kanë lindur 54 762 foshnja. Në vitin 2018 - 55 796 , në vitin 2017 - 58 237. Po rritet përqindja e lindjeve sekcio cezarea. Gjatë vitit 2019 47.35% prej nënave kanë lindur me operacion kundrejt 46.90% gjatë vitit 2018. Lindjet janë realizuar në 107 spitale. Në 16 prej tyre numri i foshnjave të lindura është nën 100, sa është minimumi i parashikuar për veprimtarinë e spitalit sipas standardeve mjekësore. Këto janë kryesisht spitale bashkiake në vendbanimet e vogla, si Berkovica, Kavarna, Bllçik, Levski, Çerven Brjag etj. Në vitin 2018 në 13 spitale ka pasur nën 100 lindje.