Nëpërmjet fqinjësisë së mirë, mirëkuptimit dhe zgjidhjes paqësore të konflikteve në regjion mund të zgjidhet edhe problemi i krizës së migrantëve. Këtë e deklaroi në Sofje Kryeministri Bojko Borisov pasi u takua me Presidenten e Komisionit Evropian Ursula von der Leyen dhe me Presidentin e Këshillit Evropian Charles Michel. Ursula von der Leyen vuri në dukje se të tre kanë zhvilluar bisedime intensive për zgjidhjen strategjiketë problemeve të migracionit dhe për punën me Turqinë. Michel falënderoi për bashkëpunimin e shkëlqyeshëm mes Bullgarisë dhe BE-së dhe shtoi se Bullgaria mund të shpresojë tek BE-ja. Pas takimit Borisov zhvilloi një bisedë telefonike me kancelaren gjermane Angela Merkel, me të cilën shqyrtoi informacionin aktual për presionin e migracionit në regjion dhe masat e sigurisë. Merkel theksoi rolin stabilizues të Bullgarisë në Ballkan.