Akoma 11 raste të reja të koronavirusit u regjistruan në Bullgari. Kështu ato tashmë janë 92, tha gjenerali Vencisllav Mutafçijski – shef i Shtabit kundër epidemisë. Janë prekur dy qytete të tjera – Smoljan dhe Veliko Tërnovo. Të sëmurët janë në gjendje të mirë. Ata që kthehen nga jashtë vendosen në karantinë 14 ditore dhe kontrollohen nga organet e rendit publik. Në qoftë se në këtë periudhë kanë ankesa i telefonojnë mjekut të tyre familjar. Ai duhet të marrë vendim nëse t’i dërgojë në spital apo jo, bëri të ditur Mutafçijksi. Ka rritje të ngadaltë të infeksionit, por është herët të konstatojmë se e kontrollojmë situatën, tha në përfundim gjenerali. Ministri i Shëndetësisë Kirill Ananiev ndaloi grumbullimin e mbi dy njerëzve të moshuar në vendet publike, si një masë e re kundër përhapjes së sëmundjes.