Autoritetet kufitare bullgare u bene thirrje qytetarëve për të mos udhëtuar deri në Turqi, sepse që nga dje ajo nuk lejon hyrjen e shtetasve të huaj me vetura, mikrobusë dhe autobusë. Përmes kufirit me Bullgarinë mund të hyjnë vetëm shtetas turq dhe kamionë në pikëkalimet Kapitan Andreevo dhe Lesovo. Sipas të dhënave të Ministrisë së Punëve të Jashtme Turqia është duke aplikuar një sërë masash në lidhje me shoferët ndërkombëtarë të maunave. Shtetasit e Gjermanisë, Spanjës, Francës, Danimarkës, Suedisë, Norvegjisë, Austrisë, Belgjikës, Holandës, Kinës, Iranit, Irakut, Koresë së Jugut, Japonisë, Italisë, Tajlandës, HongKongut, Singaporit nuk mund të marrin leje për hyrje në territorin turk. Shoferët, të cilët janë shtetas të vendeve të treta dhe kanë qenë në një prej shteteve të lartpërmendura gjatë 14 ditëve të fundit, vendosen në karantinë deri në skadimin e afatit të saj 14 ditor.