Të gjitha qendrat e hematologjisë së transfuzionit në Bullgari alarmojnë për uljen e numrit të dhuruesve të gjakut. Vetëm në Sofje për periudhën nga 1 deri më 15 mars numri i dhuruesve të gjakut ishte 1138 veta. Në krahasim me të njëjtën periudhë të vitit 2019 kur ata ishin 1739 veta, shënohet ulje me afro 600 veta. Kjo kufizon mundësitë për mbushjen e depove të gjakut dhe të përbërësve të gjakut që janë të domosdoshme në vendin tonë.

Studimet shkencore botërore nuk dëshmojnë për ngjitjen e koronaviruseve nëpërmjet transfuzionit. Kështu që ata që dëshirojnë mund të dhurojnë gjakun pa kjo të kërcënojë shëndetin e tyre. 

Qendrat e transfuzionit në vend bëjnë skriningun e dhuruesve të gjakut dhe nuk lejojnë që persona me infeksione të frymëmarrjes të dhurojnë gjak.

Çdo ditë për gjak ose përbërës gjaku kanë nevojë pacientët e klinikave të onkohematologjisë, neurokirurgjisë, kardiokirurgjisë, obstetrikës dhe gjinekologjisë e kështu me radhë. Një pjesë e madhe e intervencioneve kirurgjike gjithashtu kërkon transfuzionin e gjakut.