Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Kuvendi Popullor votoi Ligjin për gjendjen e jashtëzakonshme

Seanca e Kuvendit Popullor për Ligjin për gjendjen e jashtëzakonshme
Foto: BGNES

Kuvendi Popullor votoi dhe miratoi në lexim të dytë Ligjin për gjendjen e jashtëzakonshme. Gjatë kohës së situatës së jashtëzakonshme nëpunësit dhe punëtorët do të mund të përdorin vetëm pushimin e tyre të paguar vjetor, kurse punëdhënësit janë detyruar të sigurojnë kushte të sigurta për punë. Janë ndaluar udhëtimet e biznesit, mbyllen sallat sportive, palestrat, diskotekat, lokalet, restorantet dhe qendrat tregtare. Ndalohen dhe të gjitha ngjarjet sportive dhe kulturore dhe vizitat në burgje.

Ministri i shëndetësisë ka të drejta të aplikojë dhe kufizime të tjera në rast të nevojës. Ushtarët mund të zbatojnë masat e parashikuara për gjendjen e jashtëzakonshme, mund të kontrollojnë njerëzit në rrugë duke kërkuar informacion për identitetin e tyre dhe mund të ndalojnë trafikun.

Deri në përfundimin e gjendjes së jashtëzakonshme pezullohen efektet e pagesave të vonuara të borxheve, si interesa dhe gjoba. Pezullohen ekzekutimet e sekuestrimeve dhe afatet e çështjeve gjyqësore në pritje. Kufizime do të ketë dhe sa u përket procedurave noteriale – do të kryhen vetë ato më urgjentet. Ndërpriten të gjitha shitjet e shpallura publikisht dhe procedurat e hyrjes në posedim. Zgjatet me 6 muaj dhe afati i vlefshmërisë së dokumenteve personale si letërnjoftimet dhe lejet e shoferëve. Afati për pagimin e korrentit bëhet më i gjatë – nga 10 deri më 20 ditë.

Kryetarët e bashkive mund të marrin vendim për angazhimin e të regjistruarve në Zyrat e Punësimit në zbatimin e punës me interes publik të lidhur me dezinfektimin e hapësirave publike.

Për periudhën e gjendjes së jashtëzakonshme marrja e ndihmës sociale për fëmijët nuk do të varret nga frekuentimi i rregullt i fëmijës në shkollë apo në kopshtin e fëmijëve. 




Последвайте ни и в Google News Showcase, за да научите най-важното от деня!

Më shumë nga rubrika

Parashikimi i motit për fundjavën

Të shtunën temperaturat minimale do të jenë nga minus 8 deri në minus 3°, në Sofje – rreth minus 8°. Gjatë ditës në Bullgarinë Perëndimore dhe Qendrore do të mbizotërojë mot me diell me rritje më të theksuar të vranësisë në Rrafshinën e Danubit...

botuar më 25-02-07 7.35.MD

U arrestuan tre bullgarë për pjesëmarrje në një grup kriminal ndërkombëtar

Në një operacion të Drejtorisë së Përgjithshme për Luftën kundër Krimit të Organizuar, më 6 shkurt u arrestuan tre bullgarë të cilët kanë marrë pjesë në një grup kriminal ndërkombëtar që ka vepruar në territorin e vendeve të Bashkimit Evropian. Në një..

botuar më 25-02-07 4.42.MD

Deputetët janë të ndarë për idenë e një kufiri të çmimeve

Ideja e një tavani të rritjes së çmimeve për produktet ushqimore bazë nuk është diskutuar ende me partnerët në koalicionin qeverisës. Sipas kryeministrit Rosen Zheljazkov, ndërhyrja e drejtpërdrejtë e shtetit në tregun e mallrave bazë të konsumit është e..

botuar më 25-02-07 4.27.MD