9,75% prej aplikimeve për viza amerikane të shtetasve bullgarë gjatë vitit 2019 kanë marrë refuzime. Këtë e tregojnë të dhënat e Komisionit Evropian. Statistika tregon se ka një tendencë të qëndrueshme të uljes së numrit të refuzimeve – nga 17,3% gjatë 2015-ës, 16,9% gjatë 2016-ës, 14,97% gjatë 2017-ës dhe 11,32% gjatë 2018-ës.

Për t’u hequr regjimi i vizave për shtetasit bullgarë, numri i refuzimeve duhet të mbetet në mënyrë të qëndrueshme nën 3%, apo të paktën në vazhdim të dy vjetëve të jetë nën 2%, informuan nga Komisioni Evropian.

Në Rumani gjithashtu është regjistruar një ulje e tillë e refuzimeve deri më 9,11% për vitin 2019. Bullgaria dhe Rumania për herë të parë arrijnë rezultate nën 10%, komentojnë nga Komisioni Evropian. Për Qipron refuzimet janë nën 3%, kurse për Kroacinë – 4,02%. Katër vendet janë të vetmet në BE, qytetarët e të cilave udhëtojnë në SHBA me viza.