Si të veprojnë shoferët në kushtet e jashtëzakonshme dhe si të punojnë, këtë e sqaroi shefi i Shtabit Operativ Kombëtar gjen. Vencisllav Mutafçijski. Sipas hipotezës së parë një shofer ndërkombëtar, i cili vjen për një periudhë të shkurtër, i shkarkon mallrat në Bullgari dhe menjëherë vazhdon në itinerarin e tij. Punëdhënësi është i detyruar deri në nisjen e tij nga Bullgaria t’i sigurojë izolim social. Nisja zakonisht është në kuadrin e 24 orëve. Sipas hipotezës së dytë në qoftë se shoferi mbërrin në vend dhe nuk mund të largohet menjëherë, sepse nuk ka kurs, atëherë ai duhet të mbetet në një karantinë të detyrueshme 14 ditore. Hipoteza e tretë u përket shoferëve ndërkombëtarë të cilët nga 12 deri në 24 orë kalojnë përmes vendit, duke mbetur për një periudhë minimale. Zakonisht në këto raste maunat kontrollohen nga policia. Këto rregulla u përkasin edhe transportuesve ajrorë.