Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Cilët prej dezinfektuesve janë efektivë kundër COVID-19

Foto: BGNES

Që nga informacionet e para për përhapjen gjithnjë e më të gjerë të koronavirusit njerëzit filluan të blejnë sasi të mëdha preparatesh dhe xhelash dezinfektues. Në rrjetin e dyqaneve jo vetëm që u zvogëluan por edhe u zhdukën xhelat antibakterialë me të cilët pastrojmë duart jashtë shtëpisë. Mirëpo, doli që ata nuk janë efektiv kundër viruseve.

Shtetasit nuk janë mjaftë të informuar përsa u përket dezinfektuesve, theksoi Viktor Azmanov - pronar i një firme për dezinfektues. Në një intervistë për televizionin BTv ai shpjegoi, se çdo produkt testohet për të vërtetuar efikasitetin e tij dhe për të marrë regjistrimin përkatës.

“Me përqendrim më të ulët të përbërësve aktiv më lehtë asgjësohen bakteret, pas kësaj – kërpudhat, bakteri i tuberkulozit dhe në vend të fundit – viruset. Kjo do të thotë, se një preparat i testuar për të asgjësuar bakteri dhe i regjistrua si xhel antibakterial, nuk ka sesi të ketë fuqi kundër viruseve. Kjo për arsye se nuk është i regjistruar si i tillë dhe nuk ka institucion i cili të garantojë efikasitetin e tij. Thënë më thjeshtë xhelat antibakterial vrasin bakteret ndërsa biocidet dezinfektues kanë fuqi kundër viruseve” – shpjegoi Azmanov.

Për këtë arsye Ministria e Shëndetësisë botoi Regjistrin e biocideve të lejuara dhe të firmave të regjistruara të cilat prodhojnë dezinfektues.

“Është me rëndësi që produkti që blejmë të quhet dezinfektues ose biocid, por jo produkt antibakterial, sepse produktet antibakteriale janë të regjistruara si kozmetike dhe nuk kalojnë testimin e produkteve që janë kundër viruseve. Kur blejmë dezinfektues duhet të shikojmë mbi pakon se produkti ka regjistrimin përkatës. Ky regjistrim pas kësaj mund të verifikohet në sajtin e Ministrisë së Shëndetësisë” – këshillonViktor Azmanov.

Ai paralajmëroi se në kushtet e pandemisë në tregun bullgar dolën shumë firma të cilat shesin preparate të ndryshme. Ai shprehu shqetësim se ato nuk janë të testuara dhe të regjistruara sipas rendit ligjor. Dhe shton se brenda 20 viteve të fundit tek ne kishte nja 7-8 firma të cilat furnizuan spitalet me dezinfektues. Për më tepër se disa prej firmave ishin bullgare.

Është me rëndësi të dihet se dezinfektimi bëhet mbi sipërfaqe të pastër. Kjo do të thotë se së pari duhet të lajmë duart me sapun, gjë pas së cilës mund të dezinfektohemi me ndonjë produkt dezinfektues. Në se nuk ka se ku të lajmë duart me sapun mund të shfrytëzojmë dezinfektues, por në raste të tilla duhet të fërkojmë duart minimum 15 sekonda kështu që dezinfektuesi të pastrojë lëkurën e duarve.

Redaktor: Elena Karkallanova

Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

Drejtori i Përgjithshëm i BNR-së Milen Mitev

Radioja Kombëtare Bullgare do të organizojë Konferencën Vjetore Ndërkombëtare të Mediave Publike

Radioja Kombëtare Bullgare (BNR) do të organizojë Konferencën Vjetore Ndërkombëtare të Mediave Publike. Forumi prestigjioz do të mbahet për herë të parë në Sofje nga 20 deri më 22 tetor me pjesëmarrjen e transmetuesve publikë nga 24 vende në pesë..

botuar më 25-10-17 5.14.MD
Anita Ekenova

Anita Ekenova: Bullgaria është atdheu i shpirtit tim, Franca – vendi ku jetoj

Anita Ekenova nga Lioni u shpall “Bullgarja e Vitit – Shën Zllata Mëglenska” për vitin 2024 në një ceremoni të veçantë të organizuar në Sofje nga Agjencia Ekzekutive për Bullgarët Jashtë Vendit. Para 10 vitesh, Anita së bashku me grupin folklorik që..

botuar më 25-10-17 7.35.PD

Presidenti i dha një urdhër studiuesit më të famshëm të gjuhës bullgare në Kinë, Profesor Ma Sipu

Në emër të Kreut të Shtetit Rumen Radev, Zëvendëspresidentja Ilijana Jotova i dorëzoi Profesor Ma Sipu Urdhrin e Shën Kirilit dhe Metodit, shkallë të parë, njoftoi zyra e shtypit e Kreut të Shtetit. Çmimi u dha në një ceremoni zyrtare në..

botuar më 25-10-16 9.38.PD