Konfederata e Sindikatave të Pavarura në Bullgari insiston për ndryshimin e vendimit të Kuvendit Popullor të marrë më 6 prill 2020, në të cilin thuhet se deputetët, ministrat dhe shefat e agjencive ekzekutive shtetërore duhet të dhurojnë pagat e veta në favor të luftës kundër koronavirusit.

Sipas Konfederatës me këtë vendim shkelen Kushtetuta dhe Konventa e Organizatës Ndërkombëtare të Punës, e ratifikuar në Bullgari, e cila ndalon kufizimin (pavarësisht nga mënyrat) të lirisë së të punësuarit të disponojë me pagën e fituar sipas vullnetit të vet të lirë. Nga Konfederata e Sindikatave të Pavarura nënvizojnë dhe ngarkesën e madhe në kushtet e krizës, të cilën e kanë në punën e tyre shefat e agjencive sociale dhe të punësimit, të inspektorateve të punës, të Institutit Kombëtar të Sigurimeve dhe agjencive tatimore.