Presidentët e Bullgarisë dhe Serbisë Rumen Radev dhe Aleksandër Vuçiç diskutuan në bisedë telefonike masat e ndërmarra për kufizimin e përhapjes së koronavirusit në Bullgari dhe Serbi, kështu edhe perspektivat për kapërcim sa më të shpejtë të krizës ekonomike dhe sociale. Rikuperimi relativisht më i shpejtë i dy ekonomive në sfondin e shteteve të tjera, do të jetë i rëndësishëm për evitimin e një vale eventuale të emigrantëve pas lehtësimit të kufizimeve për udhëtim, mendojnë presidentët.

Ata pohuan se edhe Bullgaria, edhe Serbia pasojnë dëme ekonomike për shkak të kufizimeve për eksport në Evropë dhe do të përdorin sa më efektivisht potencialin e “korridoreve të gjelbra” për transport të mallrave dhe pajisjeve.

Më vonë Radev shqyrtoi në telefon me Presidentin rumun Klaus Johanis bashkëpunimin mes Bullgarisë dhe Rumanisë në mirëmbajtën e “korridoreve të gjelbra”. Radev shtroi edhe çështjen për lejimin e eksportit të lëndëve të para nga Rumania për në Bullgari, të domosdoshme për prodhimin e foragjerëve.