Me 0.5% është rritur papunësia e regjistruar në Bullgari gjatë muajit mars 2020 dhe aktualisht është 6.7%, konstatoi Agjencia e Punësimit. Vetëm pas 13 marsit, kur u shpall gjendja e jashtëzakonshme për shkak të pandemisë, janë regjistruar 26 300 të papunë, 14 500 prej të cilëve kanë shënuar si shkak për t’u mbetur pa punë krizën e koronavirusit. Të papunët e rinj janë kryesisht punonjës në sektorët “hotele”, “restorante”, “tregti” dhe “industria përpunuese”. Ndërkaq, pas 13 marsit ka rritje të kërkimit të kujdestareve për fëmijë, infermiereve, asistentëve personalë dhe shëndetësorë. Kërkohet gjithashtu personel për call qendrat, arkëtarë dhe shitës në ushqimore.