Në qytetin e dytë më të madh në Bullgari, Plovdiv, do të zhvillohet një studim epidemiologjik për Covid-19. Në të do të analizohen mostrat e 1000 personave të zgjedhur rastësisht, informoi për BNR prof. Mariana Murxheva, rektorja e Universitetit të Mjekësisë në Plovdiv.

Analizat laboratorike do të fillojnë javën e ardhshme, kurse rezultatet do të jenë gati në qershor. Sipas profesoreshës Murxheva studimi mund të japë informacion për përgjigjen imunitare të organizmit tek grupmoshat e ndryshme dhe grupet e rrezikuara.

“Është e mundshme të ketë njerëz, të cilët pasi e hasin virusin të mos ndërtojnë imunitet dhe të mos gjejmë tek ta përgjigje imunitare. Njerëzit e tillë zakonisht janë me deficit imunitar apo me sëmundje autoimunitare” – shpjegoi prof. Murxheva.  Sipas saj studimi mund të përdoret si përfaqësues për vendin tonë.