1231 të huaj nga vendet jashtë BE-së kanë gjetur punë në Bullgari që nga fillimi i krizës me Covid-19, tha në Kuvendin Popullor Ministrja e punës dhe politikës sociale Denica Saçeva. Nga 13 mars deri më 15 maj aplikimet për punë të qytetarëve nga vendet e treta janë 1455. Të miratuarit janë 1231. 332 prej tyre janë punëtorë sezonalë.

Tani për tani nuk ka sinjale nga ana e punëdhënësve për probleme të lidhura me aksesin në tregun e punës të qytetarëve nga vendet e treta.

Me 6 muaj janë shtyrë të gjitha afatet e lejeve për punë dhe qëndrim të të huajve, të cilat janë skaduar gjatë kohës së krizës. Gjatë kësaj periudhe në Bullgari nuk është ndaluar dhe hyrja e punëtorëve sezonalë në bujqësi, e punëtorëve nga rajonet kufitare dhe e atyre që punojnë në turizëm dhe në objektet strategjike, nënvizoi Saçeva.